రోజూ రాత్రి గోధుమ చపాతీ తింటున్నారా? అయితే నా వెయిట్ లాస్ సీక్రెట్ తెలుసుకోండి!
నాలాగా బరువు తగ్గాలని రాత్రి పూట అన్నం మానేసి చపాతీలు తినేవాళ్లు చాలా మందే ఉన్నారు కదా? మొదట్లో నేను కూడా రోజూ గోధుమ పిండితో చపాతీలు చేసుకుని తినేదాన్ని. కానీ రాను రాను కడుపులో ఉబ్బరం, నొప్పి మొదలయ్యాయి.
అప్పుడే నాకు తెలిసింది గోధుమల్లో ఉండే ‘గ్లూటెన్’ (Gluten) వల్లే ఈ సమస్య అని. అప్పటినుంచి నేను గోధుమ పిండి పక్కన పెట్టి, వేరే పిండితో చపాతీలు చేయడం మొదలుపెట్టాను. ఆశ్చర్యంగా బరువు తగ్గడమే కాకుండా ఎంతో యాక్టివ్ గా కూడా అనిపించింది.
నా సొంత అనుభవంలో నాకు అద్భుతంగా పనిచేసిన ఆ మూడు రకాల చపాతీల గురించి మీతో పంచుకోవాలనుకుంటున్నాను.
1. సజ్జ పిండి చపాతీ (Pearl Millet):
గోధుమలు మానేశాక నేను ముందుగా ట్రై చేసింది సజ్జ పిండి. ఇందులో గ్లూటెన్ అస్సలు ఉండదు కాబట్టి నా కడుపునొప్పి సమస్య పూర్తిగా మాయమైంది. పైగా సజ్జల్లో ప్రోటీన్ ఎక్కువగా ఉండటం వల్ల, ఒకట్రెండు చపాతీలు తినగానే కడుపు నిండిన ఫీలింగ్ వస్తుంది. ఇది నిదానంగా జీర్ణం అవ్వడం వల్ల అర్ధరాత్రి ఆకలి వేయడం లాంటివి తగ్గాయి. వెయిట్ లాస్ కు ఇది బెస్ట్ అని నాకైతే అనిపించింది.

2. ఓట్స్ పిండి చపాతీ (Oats):
ఓట్స్ అనగానే పాలలో కలుపుకుని తినడమే బోర్ కొట్టి, నేను ఓట్స్ పిండితో చపాతీ చేసుకోవడం మొదలుపెట్టాను. ఇవి తిన్న రోజున బాడీకి కావాల్సిన కార్బోహైడ్రేట్స్ అంది, రోజంతా అస్సలు అలసట లేకుండా ఎంతో హుషారుగా అనిపించింది. ఓట్స్లో గ్లైసెమిక్ ఇండెక్స్ (GI) తక్కువగా ఉండటం వల్ల షుగర్ లెవెల్స్ కూడా కంట్రోల్ లో ఉంటాయి. ఫైబర్ ఎక్కువ కాబట్టి జీర్ణవ్యవస్థ పనితీరు మెరుగై బరువు తగ్గడానికి నాకు చాలా హెల్ప్ అయింది.
3. క్వినోవా పిండి చపాతీ (Quinoa):
క్వినోవాను పోషకాల పవర్హౌస్ అని పిలుస్తారని చదివి నా డైట్ లో చేర్చుకున్నాను. ఇందులో మన శరీరానికి అవసరమైన ప్రోటీన్తో పాటు తొమ్మిది రకాల అమైనో యాసిడ్స్ ఉంటాయి. అలాగే ఐరన్, యాంటీ ఆక్సిడెంట్స్ పుష్కలంగా దొరుకుతాయి. క్వినోవా చపాతీలు తిన్నప్పుడు కూడా ఎక్కువసేపు కడుపు నిండిన భావన ఉండి, అస్సలు ఆకలి వేయదు. గ్లూటెన్ ఫ్రీ కాబట్టి ఎలాంటి ఇబ్బందీ ఉండదు.
నా ఫైనల్ రిజల్ట్:
ఇప్పుడు నేను వారంలో రెండు రోజులు సజ్జ పిండి, మరో రెండు రోజులు ఓట్స్, ఇంకో రెండు రోజులు క్వినోవా పిండి.. ఇలా మార్చి మార్చి చపాతీలు చేసుకుంటున్నాను. నాకు మాత్రం చాలా మంచి ఫలితాలు కనిపించాయి. మీరు కూడా కేవలం గోధుమ పిండికే పరిమితం కాకుండా ఇలా ట్రై చేసి చూడండి, మీకే తేడా తెలుస్తుంది!
గమనిక: నా సొంత అనుభవంతో పాటు పలు ఆరోగ్య సమాచారాల ఆధారంగా ఈ ఆర్టికల్ రాశాను. ఇది కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు. మీకు ఏవైనా ఆరోగ్య సమస్యలు ఉంటే తప్పనిసరిగా వైద్యులను సంప్రదించాలి.
Source: chaipakodi.com

