వర్క్ ఫ్రమ్ హోమ్ కు సిద్ధమా? ఈ 5 గ్యాడ్జెట్స్ తో మీ పని మరింత ఈజీ!

పశ్చిమాసియాలో ఉద్రిక్తతల కారణంగా ప్రపంచవ్యాప్తంగా ముడిచమురు ధరలు మండిపోతున్నాయి. ఈ క్రమంలో ఇంధనాన్ని ఆదా చేసేందుకు ప్రధాని నరేంద్ర మోదీ ఇచ్చిన ‘పొదుపు మంత్రం’ ఇప్పుడు దేశవ్యాప్తంగా హాట్ టాపిక్.

కేంద్ర మంత్రులు తమ కాన్వాయ్ వాహనాలను సగానికి తగ్గిస్తుండగా.. ఇంధన పొదుపులో భాగంగా కార్పొరేట్ కంపెనీలు తమ ఉద్యోగులకు మళ్లీ ‘వర్క్ ఫ్రమ్ హోమ్’ (WFH) ఇవ్వాలని ప్రధాని సూచించారు.

మరి మీరు కూడా ఇంటి నుంచే పనిచేస్తున్నారా? గంటల తరబడి ఒకేచోట కూర్చొని పనిచేయడం కాస్త కష్టమే. అయితే, మీ వర్క్ ఫ్రమ్ హోమ్ అనుభవాన్ని మరింత ఈజీగా, ప్రొఫెషనల్‌గా మార్చే టాప్ 5 గ్యాడ్జెట్స్ ఇవే! మీ వర్క్ స్పేస్‌లో ఇవి ఖచ్చితంగా ఉండాల్సిందే..

1. 4K వెబ్ క్యామ్ (4K Web Cam)
సాధారణ ఆఫీస్ మీటింగ్స్‌కు ల్యాప్‌టాప్ కెమెరా ఓకే. కానీ, క్లయింట్లతో ప్రొఫెషనల్ మీటింగ్స్, ఇంటర్వ్యూలు లేదా ప్రెజెంటేషన్స్ ఉన్నప్పుడు ఒక మంచి ‘4K వెబ్ క్యామ్’ చాలా అవసరం.

తక్కువ వెలుతురులోనూ స్పష్టంగా కనిపించడం (లో-లైట్ పెర్ఫార్మెన్స్), ఆటో-ఫ్రేమింగ్ వంటి ఫీచర్లతో మీ వర్చువల్ మీటింగ్స్ క్వాలిటీని ఇది నెక్స్ట్ లెవెల్‌కు తీసుకెళ్తుంది.

2. రౌటర్ బ్యాటరీ బ్యాకప్ (Router Battery Backup) 
మీరు ఏదైనా ముఖ్యమైన మీటింగ్‌లో ఉన్నప్పుడు అకస్మాత్తుగా కరెంట్ పోతే? ఆ టెన్షన్ వద్దంటే మీ వైఫై రౌటర్‌కు ఒక చిన్న పవర్ బ్యాకప్ పరికరాన్ని అమర్చుకోండి. ఇంట్లో పవర్ కట్ అయినా సరే, మీ ఇంటర్నెట్ కనెక్షన్ కట్ అవ్వకుండా ఇది కాపాడుతుంది.

3. నాయిస్ క్యాన్సెలింగ్ హెడ్‌ఫోన్స్ (Noise Cancelling Headphones) 
ఇంట్లో మాట్లాడుకునే మాటలు, టీవీ సౌండ్స్ లేదా బయటి ట్రాఫిక్ శబ్దాలు మీ పనికి ఆటంకం కలిగిస్తున్నాయా? అయితే ‘నాయిస్ క్యాన్సెలింగ్ హెడ్‌ఫోన్స్’ మీ దగ్గర ఉండాల్సిందే.

మీరు మీటింగ్‌లో ఉన్నప్పుడు బ్యాక్‌గ్రౌండ్ నాయిస్‌ను పూర్తిగా బ్లాక్ చేసి, ఇతరులకు మీ వాయిస్ మాత్రమే స్పష్టంగా వినిపించేలా ఇవి చేస్తాయి.

4. డెస్క్ హైట్ కన్వర్టర్ (Desk Height Converter)
రోజుకు 8 నుంచి 9 గంటలు ఒకేచోట కూర్చోవడం వల్ల నడుంనొప్పి, అలసట వస్తాయి. అందుకే పాత టేబుల్‌ను మార్చాల్సిన అవసరం లేకుండానే.. కూర్చొని లేదా నిలబడి పనిచేసుకునేలా ఈ ‘అడ్జస్టబుల్ డెస్క్ హైట్ కన్వర్టర్‌’ను వాడుకోవచ్చు. దీనివల్ల ఆరోగ్యంగా, యాక్టివ్‌గా ఎక్కువ గంటలు పనిచేయగలుగుతారు.

5. ఎర్గోనామిక్ కీబోర్డ్ (Ergonomic Keyboard)
గంటల తరబడి టైపింగ్ చేసేవారికి చేతులు, మణికట్టు, భుజాలు నొప్పి రావడం సహజం. మీ చేతుల పొజిషన్‌కు అనుగుణంగా, ఎటువంటి ఇబ్బంది లేకుండా సులభంగా టైప్ చేసేలా డిజైన్ చేసిన ‘ఎర్గోనామిక్ కీబోర్డ్’ వాడితే ఆ నొప్పులు ఉండవు. ఇప్పుడు వీటిలో వైర్‌లెస్ మోడల్స్ కూడా అందుబాటులో ఉన్నాయి.

చివరిగా..
ప్రధాని సూచనల మేరకు రానున్న రోజుల్లో వర్క్ ఫ్రమ్ హోమ్ కల్చర్ మరింత పెరిగే అవకాశం ఉంది. ఈ ఐదు గ్యాడ్జెట్స్ మీ దగ్గర ఉంటే ఇంటి వద్ద నుంచి చేసే పని ఎలాంటి ఆటంకం లేకుండా, చాలా సౌకర్యవంతంగా పూర్తవుతుంది. మరి ఇంకెందుకు ఆలస్యం, మీ వర్క్‌స్పేస్‌ను అప్‌గ్రేడ్ చేసుకోండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com