మండే ఎండల నుండి చర్మాన్ని రక్షించుకోండిలా..!

ఇంకా ఎండాకాలం రానేలేదు అప్పుడే భానుడు తన ఎండ ప్రతాపాన్నిచూపించడం మొదలు పెట్టాడు. ఎండలో కాసేపు బయటకు వెళితే చాలు మన చర్మం నిర్జీవంగా మారుతుంది. ముఖం కందిపోయి కళ తప్పుతుంది. మరి ఇలాంటి సమస్యల నుంచి సత్వరం ఉపశమనం లభించాలంటే ఏం చేయాలో ఇప్పుడు తెలుసుకుందాం.

1) మన శరీరానికి చలువ చేసే అలోవెరా జెల్‌ని రోజూ చర్మానికి రాయడం వల్ల చర్మం ఎప్పుడూ పొడిబారకుండా ఉంటుంది. ఇందులో ఉండే యాంటీఆక్సిడెంట్స్‌ చర్మాన్ని చల్లబర్చడానికి, నల్లని మచ్చలను తొలిగించడానికి ఉపయోగపడుతాయి.

2) షియా బటర్‌లో అధిక సాంద్రత, విటమిన్లు, కొవ్వు ఆమ్లాలు ఉంటాయి. ఇవి చర్మాన్ని సున్నితంగా ఉంచుతాయి. దీంట్లో ఉండే నూనెలో చర్మంలోకి వేగంగా కలిసిపోయి, చర్మంలోని తేమను పునరుద్ధరిస్తాయి. బయట వాతావరణం నుంచి చర్మాన్ని ఈ బటర్‌ రక్షిస్తుందన్నమాట.

3) రాస్‌బెర్రీ విత్తనాల నుంచి వచ్చే నూనె జింక్‌ ఆక్సైడ్‌కు సమానమైన ఎస్‌పీఎఫ్‌ 20ని అందిస్తుంది. ఇందులో ఓమెగా 3, ఆరు కొవ్వు ఆమ్లాలు, యాంటీ ఆక్సిడెంట్లు పుష్కలం. యూవీఏ, యూవీబీ కిరణాల నుంచి రక్షించే సామర్థ్యం ఈ రాస్‌బెర్రీ విత్తన నూనెల్లో అధికం. ఇందులో ఉండే విటమిన్‌ ఎ, ఈ ల వల్ల చర్మవ్యాధులు కూడా దరిచేరవు.

4) బాదం నూనె చర్మాన్ని యూవీ కిరణాల నుంచి దెబ్బతినకుండా కాపాడుతుంది. అలాగే ఇప్పటివరకు చర్మం ఏదైనా డ్యామేజ్‌ అయితే కూడా ఇది రిపేర్‌ చేస్తుంది. వృద్ధాప్య చాయలు రాకుండా ఈ నూనె రక్షిస్తుంది.