భర్త కోసం సుహాసిని చేసిన త్యాగం ఏమిటో తెలుసా ?

Telugu Actress Suhasini :ఎదిగేకొద్దీ ఒదిగి ఉండాలనే సూత్రాన్ని నటి సుహాసిని బాగా వంటబట్టించుకున్నారు. కమల్ హాసన్ అన్న చారు హాసన్ కూతురైన సుహాసిని నటిగా అన్నీ తెలుసనే భావనతో మొదట్లో కొంచెం పొగరుగా ఉన్నా, తెలుగు ఇండస్ట్రీలోకి వచ్చాక నలుగురితో చనువుగా మాట్లాడ్డం, క్రమశిక్షణతో మెలగడం వంటి ఎన్నో విషయాలను తెలుసుకున్నానని తెలుగు ఇండస్ట్రీ గురించి సుహాసిని గొప్పగా చెబుతూ ఉంటుంది.

తెలుగులో శోభన్ బాబు,కృష్ణ ,మెగాస్టార్ చిరంజీవి,బాలయ్య,నాగార్జున ఇలా అగ్ర హీరోలు అందరి సరసన నటించడమే కాకుండా సెకండ్ ఇన్నింగ్స్ లో కూడా అమ్మ, అక్క, అత్త పాత్రలతో రాణిస్తూ తనదైన ముద్ర వేస్తోంది. తెలుగు ఇండస్ట్రీతో బలమైన బంధం ఉందని ఆమె చెబుతూ ఉంటారు. అయితే ఈమె మొదట్లోనే డైరెక్షన్ డిపార్ట్ మెంట్ లో పనిచేయడమే కాకుండా మెగాఫోన్ పట్టి ఓ మూవీకి డైరెక్షన్ కూడా చేసారు.

నిజానికి సినిమాటోగ్రఫీలో శిక్షణ తీసుకున్న సుహాసిని స్క్రిప్ట్ రైట్రర్ గా రాణించి, 1996లో ఇందిర మూవీకి డైరెక్షన్ చేసారు. అయితే పెళ్లి తర్వాత మళ్ళీ మెగాఫోన్ పట్టుకొలేదు. ఎందుకంటే ఆమె భర్త స్టార్ డైరెక్టర్ మణిరత్నం. ఆయన కోసం డైరెక్షన్ లోకి మళ్ళీ అడుగువేయలేదని సుహాసిని చెప్పారు. అయితే ఫిలిం ఫెస్టివల్స్ లో పాల్గొంటూ భారతీయ సినిమాను అంతర్జాతీయ స్థాయికి తీసుకెళ్లే ప్రయత్నం కొనసాగిస్తున్నారు.