Goat Movie OTT: మరిన్ని యాక్షన్ సీన్స్ తో OTT లోకి గోట్.. ఎప్పుడు.. ఎక్కడ అంటే..

Goat Movie OTT: విజయ్ దళపతి నటించిన తాజా చిత్రం ‘గోట్’ సైన్స్ ఫిక్షన్ యాక్షన్ థ్రిల్లర్ జోనర్‌లో విడుదలై, భారీ అంచనాల మధ్య సెప్టెంబర్ 5న థియేటర్లలో ప్రదర్శితమైంది. వెంకట్ ప్రభు దర్శకత్వం వహించిన ఈ చిత్రం, విజయ్ కెరీర్‌లో చివరి చిత్రంగా ప్రచారం జరిగింది. దీనితో, విజయ్ అభిమానులు ఈ చిత్రంపై భారీ ఆశలు పెట్టుకున్నారు.

ప్రస్తుతం ఈ చిత్రం థియేటర్లలో మిశ్రమ స్పందనతో నడుస్తుంది, మరియు ఇప్పటికే ఓటీటీ స్ట్రీమింగ్ గురించి చర్చ మొదలైంది. ఓటీటీ ప్లాట్‌ఫార్మ్‌ల ప్రాచుర్యం పెరిగిపోతుండటంతో, కొన్ని చిత్రాలు థియేటర్ విడుదల కాకముందే ఓటీటీ డీల్‌కు సంతకం చేస్తుంటే, మరికొన్ని థియేటర్ విడుదల తర్వాత ఓటీటీ డీల్‌ను ముగించుకుంటున్నాయి. ఈ క్రమంలో, ‘గోట్’ చిత్రం డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్‌ఫార్మ్ నెట్‌ఫ్లిక్స్ సొంతం చేసుకుంది.

ఇక ఈ సినిమా శాటిలైట్ హక్కులను జీ సంస్థ సొంతం చేసుకున్నట్లు సమాచారం. పైగా ఈ సినిమాను అక్టోబర్ 2 నుంచి ఓటీటీ స్ట్రీమింగ్ కు తీసురానున్నట్లు కూడా టాక్ వినిపిస్తుంది. ఇప్పుడు ఎలాగూ థియేటర్ లో రిలీజ్ అయినా సినిమాలన్నీ నెలలోపే ఓటీటీ లోకి వస్తున్నాయి. కాబట్టి ఈ సినిమా అదే తేదికి ఓటీటీ లోకి వచ్చిన ఆశ్చర్యం లేదు. థియేట్రికల్ రన్ పూర్తైన తర్వాత స్ట్రీమింగ్ డేట్ ను అనౌన్స్ చేయనున్నారు మేకర్స్.

ఈ సినిమా, థియేటర్‌లో మూడు గంటలు రెండు నిమిషాల నిడివితో ప్రదర్శించబడినప్పటికీ, ఓటీటీలో అదనపు యాక్షన్ సీన్లను చేర్చి, మొత్తం మూడు గంటల ఇరవై నిమిషాల నిడివితో స్ట్రీమ్ చేయనున్నారని ప్రచారం. విజయ్ అభిమానులకు ఇది మరింత ఉత్సాహం నింపే వార్త.

విజయ్ తో పాటు, స్నేహా, మీనాక్షి చౌదరి, ప్రశాంత్, ప్రభుదేవా, మోహన్, అజ్మల్ అమీర్, జయరామ్, లైలా, వైభవ్, యోగి బాబు, ప్రేమి అమరెన్, యుగేంద్రన్ వంటి ప్రముఖ నటులు ప్రధాన పాత్రలలో నటించారు. ప్రస్తుతం మిశ్రమ స్పందనతో నడుస్తున్న ఈ చిత్రం, దీర్ఘకాలంలో బాక్స్ ఆఫీస్ వద్ద ఎలాంటి వసూళ్లు సాధిస్తుందో చూడాలి.

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ