వేడి పాలలో తులసి ఆకులు వేసి మరిగించి తాగితే శరీరంలో ఏం జరుగుతుందో తెలుసా?
భారతీయుల ఇళ్లలో పాలు, తులసి చెట్టు ఈ రెండూ సర్వసాధారణంగా ఉంటాయి. పాలలో ఎన్ని పోషకాలు ఉంటాయో ప్రత్యేకంగా చెప్పనక్కర్లేదు. అలాగే తులసి ఒక దివ్యౌషధం. అయితే, ఈ రెండింటినీ విడివిడిగా కాకుండా కలిపి తీసుకుంటే.. అది ఒక ‘సూపర్ డ్రింక్’ గా మారుతుందని మీకు తెలుసా?
వేడి పాలలో తులసి ఆకులు వేసి మరిగించి తాగితే శరీరానికి రెట్టింపు ప్రయోజనాలు అందుతాయి. అవేంటో, ఈ డ్రింక్ ఎలా తయారు చేయాలో ఇప్పుడు తెలుసుకుందాం.
తులసి పాలు ఎలా తయారు చేయాలి?
ఒక గిన్నెలో ఒక గ్లాస్ పాలు పోసి బాగా మరిగించండి.పాలు మరుగుతున్నప్పుడు అందులో 4 తులసి ఆకులు వేసి మరో నిమిషం పాటు సన్నని మంటపై మరిగించండి. ఆ పాలను గ్లాసులోకి తీసుకుని, అందులోని తులసి ఆకులను నములుతూ గోరువెచ్చగా ఉన్నప్పుడు తాగాలి.
ఈ ‘తులసి-పాలు’ తాగితే కలిగే అద్భుత ప్రయోజనాలు:
జలుబు, ఫ్లూ పరార్: తులసిలో ఉండే యాంటీ ఇన్ఫ్లమేటరీ లక్షణాలు, పాలలోని హీలింగ్ గుణాలు కలిసి శరీరంలో రోగనిరోధక శక్తిని పెంచుతాయి. ఇవి శరీర ఉష్ణోగ్రతను తగ్గించి, ఫ్లూ, జలుబు, దగ్గు లక్షణాల నుంచి వేగంగా ఉపశమనం ఇస్తాయి.
పదిలంగా గుండె: తులసిలో ‘యుజినాల్ (Eugenol)’ అనే శక్తివంతమైన యాంటీ ఆక్సిడెంట్ ఉంటుంది. ఇది పాలలోని పోషకాలతో కలిసినప్పుడు గుండె ఆరోగ్యం మెరుగుపడుతుంది.
ఒత్తిడి, ఆందోళన మాయం: రోజువారీ ఉరుకులు పరుగుల జీవితంలో ఒత్తిడి సహజం. తులసి పాలు నాడీ వ్యవస్థకు ప్రశాంతతను ఇచ్చి, ఒత్తిడి హార్మోన్లను కంట్రోల్ చేస్తాయి. దీంతో ఆందోళన (Anxiety), నిరాశ (Depression) వంటివి దరిచేరవు.
కిడ్నీ రాళ్లకు చెక్: ఈ డ్రింక్ శరీరంలో పెరిగిన యూరిక్ యాసిడ్ స్థాయిలను తగ్గించడంలో సహాయపడుతుంది. తద్వారా కిడ్నీలో ఏర్పడే రాళ్లను కరిగించడంలో ఉపకరిస్తుంది.
తలనొప్పికి దివ్యౌషధం: విపరీతమైన తలనొప్పితో బాధపడేవారు ఒక గ్లాసు వేడి తులసి పాలు తాగితే వెంటనే రిలాక్స్ అవుతారు.
జాగ్రత్తలు: వీరు మాత్రం తాగకూడదు!
తులసి పాలు ఆరోగ్యానికి ఎంత మంచిదో.. పరిమితి దాటితే అంతే ప్రమాదం. ఈ కింది వారు తులసి పాలు తాగే విషయంలో జాగ్రత్తగా ఉండాలి:
గర్భిణీ స్త్రీలు: గర్భంతో ఉన్న మహిళలు తులసి పాలను తీసుకోకూడదు.
షుగర్ పేషెంట్లు: ఇది రక్తంలో గ్లూకోజ్ స్థాయిలను అమాంతం తగ్గించేస్తుంది. కాబట్టి డయాబెటిస్ మందులు వాడేవారు వైద్యుల సలహా లేకుండా తాగకూడదు.
రక్తస్రావ సమస్యలు: బ్లీడింగ్ డిజార్డర్స్ ఉన్నవారు ఈ పాలు తాగితే సమస్య మరింత తీవ్రమయ్యే ప్రమాదం ఉంది.
మితిమీరితే ముప్పు: రోజుకు ఒక గ్లాసు మాత్రమే తాగాలి. మోతాదు మించితే వ్యాధి తీవ్రత పెరిగే అవకాశం ఉంటుంది.
గమనిక: ఈ ఆర్టికల్ లో పేర్కొన్న అంశాలు, సూచనలు కేవలం మీకు ప్రాథమిక అవగాహన కల్పించడం కోసమే. వీటిని ఎట్టి పరిస్థితుల్లోనూ వైద్య సలహాగా భావించకూడదు. ఏవైనా అనారోగ్య సమస్యలు ఉంటే దయచేసి వైద్యుడిని సంప్రదించండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.