చపాతీలు దూదిలా మెత్తగా రావాలంటే ఈ చిన్న సీక్రెట్ తెలుసుకోండి!
Roti Making Tips in telugu:చపాతీలు ఇష్టపడని వారు ఎవరుంటారు చెప్పండి? వేడి వేడి నాన్-వెజ్ కర్రీతో గానీ, పనీర్ బట్టర్ మసాలాతో గానీ తింటుంటే ఆ మజాయే వేరు. కానీ, ఇక్కడే ఓ చిన్న సమస్య ఉంది. చపాతీలు అప్పుడే చేసినప్పుడు బాగానే ఉన్నా, కాస్త చల్లారాక అప్పడాల్లా గట్టిగా అయిపోతుంటాయి కదా!
మీ ఇంట్లో కూడా ఇలాగే జరుగుతోందా? అయితే ఇక అస్సలు వర్రీ అవ్వకండి. పిండి కలపడం దగ్గరి నుండి, పెనం మీద కాల్చే వరకు కొన్ని చిన్న చిన్న చిట్కాలు పాటిస్తే చాలు.. మీరు చేసే చపాతీలు దూదిలా సాఫ్ట్గా, బుడగల్లా పొంగుతూ వస్తాయి. గంటల తర్వాత కూడా వాటి మృదుత్వం ఏమాత్రం తగ్గకుండా ఉండే ఆ సీక్రెట్ టిప్స్ ఏంటో ఇప్పుడు చూసేద్దాం రండి!
సాధారణంగా బరువు తగ్గటానికి ఈ మధ్యకాలంలో మనలో చాలా మంది రోటీలను తయారు చేసుకొని తింటున్నారు. రోటీలు సమయం గడిచే కొద్ది గట్టిగా మారిపోతూ ఉంటాయి.
అలా కాకుండా ఎంతసేపైనా మెత్తగా ఉండేలా రోటీలను చేసుకోవాలంటే ఇప్పుడు చెప్పే చిట్కాలను ఫాలో అవ్వాలి. రోటీలు వేడివేడిగా తింటేనే మెత్తగా ఉంటాయి. అయితే ఇప్పుడు చెప్పే చిట్కాలను ఫాలో అయితే రోటీ లేదా చపాతి చాలా మృదువుగా మెత్తగా ఉంటాయి.
రోటీ తయారు చేయడానికి మనం గోధుమ పిండిని మార్కెట్లో కొంటూ ఉంటాం. అలా కాకుండా మనం గోధుమలను మిల్లుకు తీసుకువెళ్లి మెత్తని పిండిగా తయారు చేసుకుంటే మంచిది.
ఈ విధంగా మనం పిండిని మర పట్టించడం వలన ఫైబర్ సమృద్ధిగా ఉంటుంది. ఫైబర్ సమృద్ధిగా ఉండటం వలన రోటీని మృదువుగా చేస్తుంది. అంతేకాకుండా ఆరోగ్యానికి కూడా చాలా మంచిది.
పిండిని కలుపుతున్నప్పుడు చిటికెడు ఉప్పు కలపాలి. అలాగే కొంచెం నూనెను కూడా వేసి గోరువెచ్చ నీటితో పిండిని కలపాలి. ఈ విధంగా చేయడం వలన రోటీ మృదువుగా మారుతుంది. పిండి కలిపిన తర్వాత 15 నిమిషాల పాటు మూత పెట్టి పక్కన ఉంచాలి. ఇలా చేయటం వల్ల కూడా రోటీ లేదా చపాతి మృదువుగా వస్తుంది. రోటీలను పలుచగా చేసుకుంటే బాగుంటుంది.
రోటీలను పాన్లో తలక్రిందులుగా చేసి తేలికగా కాల్చండి. ఆ తర్వాత నేరుగా గ్యాస్ మంట మీద కాల్చాలి. లేదంటే బేకింగ్ ట్రేని కూడా ఉపయోగించవచ్చు. ఇప్పుడు చెప్పిన చిట్కాలు పాటిస్తే మెత్తని రోటీలు తినవచ్చు. సమయం ఎంతసేపైనా రోటీలు గట్టి పడకుండా మెత్తగా ఉంటాయి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com