అరికెలతో ఇలా నిమ్మకాయ పులిహోర చేసి చూడండి… ప్లేట్ మొత్తం ఖాళీ అవ్వాల్సిందే!

Lemon kodo millet rice:మన సంప్రదాయ వంటకాల్లో పులిహోరకు ప్రత్యేక స్థానం ఉంది. అయితే సాధారణ బియ్యానికి బదులుగా పోషకాలు మెండుగా ఉండే అరికెలతో (Kodo Millet) పులిహోర తయారు చేసుకుంటే అటు ఆరోగ్యానికి ఆరోగ్యం, ఇటు రుచికి రుచి రెండూ దక్కుతాయి.

పీచు పదార్థం (Fiber), యాంటీఆక్సిడెంట్లు పుష్కలంగా ఉండే ఈ లెమన్ కొడో మిల్లెట్ రైస్ బరువు తగ్గాలనుకునే వారికి మరియు రక్తంలో చక్కెర స్థాయిలను అదుపులో ఉంచుకోవాలనుకునే వారికి ఒక అద్భుతమైన ఎంపిక.

ఎంతో సులభంగా, తక్కువ సమయంలోనే ఘుమఘుమలాడేలా అరికెల నిమ్మకాయ పులిహోర ఎలా చేయాలో, కావాల్సిన పదార్థాలు మరియు పూర్తి తయారీ విధానాన్ని ఈ రెసిపీ బ్లాగ్‌లో వివరంగా చూద్దాం.

ఆరోగ్యానికి ఆరోగ్యం.. రుచి కి రుచి అరికెల పులిహోర.. ఈ మధ్య కాలంలో ఆరోగ్యం పట్ల శ్రద్ద పెరిగి Millets వాడటం అలవాటుగా చేసుకున్నారు. అరికెలతో పులిహోర చేసుకుంటే చాలా బాగుంటుంది.

కావలసిన పదార్ధాలు
అరికెలు – 1 కప్పు
నీరు – 1 ½ కప్పులు
నిమ్మరసం – 1
ఎర్ర మిర్చి – 2
కరివేపాకు
ఇంగువ – చిటికెడు
ఆవాలు – 1 స్పూన్
పసుపు పొడి – 1 tsp
వేరుశెనగ నూనె – 3 టేబుల్ స్పూన్లు

తయారీ
అరికెలను శుభ్రంగా కడిగి ఒకటికి రెండు నీటిని పోసి కుక్కర్ లో ఉడికించాలి. ఉడికిన అరెకల అన్నాన్ని ఒక ప్లేట్ లోకి తీసుకోవాలి. పెద్ద బాణలిలో 1 టేబుల్ స్పూన్ నూనె తీసుకుని అందులో ఎండు మిర్చి, ఆవాలు, కరివేపాకు,ఇంగువ,పసుపు వేసి వేగించాలి.

ఆ తర్వాత పొయ్యి ఆఫ్ చేసి నిమ్మరసం,ఉడికించిన అరికెలు వేసి బాగా కలపాలి. దీనిని ఉదయం బ్రేక్ ఫాస్ట్ గా తినవచ్చు. ఇలా తింటే అలసట లేకుండా హుషారుగా ఉంటారు.