కుక్కర్ నుంచి నీరు బయటకు వస్తోందా? ఒక్క రూపాయి ఖర్చు లేకుండా ఈ చిట్కాలు ట్రై చేయండి!

Pressure cooker Tips in telugu:రోజూ వంట చేసే ప్రతి గృహిణికి ప్రెజర్ కుక్కర్ ఒక ముఖ్యమైన వస్తువు. అయితే పప్పు, రైస్ లేదా కూరగాయలు ఉడికించేటప్పుడు విజిల్ రాగానే లోపలి నుంచి నీరు, నురుగు చిమ్మి స్టవ్, కుక్కర్ మూత మొత్తం మురికిగా మారడం చాలామంది ఎదుర్కొనే సాధారణ సమస్య. దీనివల్ల వంట ఆలస్యమవడమే కాకుండా కిచెన్ ప్లాట్‌ఫామ్‌ను మళ్లీ క్లీన్ చేసుకోవాల్సి వస్తుంది.

కుక్కర్‌లో నీరు ఎక్కువ కావడం, రబ్బర్ గాస్కెట్ వదులవడం లేదా వెంట్ పైపులో అవరోధాలు ఉండటం వల్ల ఇలా జరుగుతుంది. చిన్న చిన్న వంటింటి ట్రిక్స్ పాటిస్తే ఒక్క చుక్క నీరు కూడా బయటకు రాకుండా పర్ఫెక్ట్‌గా వంట చేసుకోవచ్చు. ఈ పోస్ట్‌లో కుక్కర్ పొంగిపోవడానికి గల ప్రధాన కారణాలు మరియు ఆ సమస్యకు చెక్ పెట్టే సులభమైన కిచెన్ హ్యాక్స్ గురించి వివరంగా తెలుసుకుందాం.

సాధారణంగా ప్రతిరోజు మనం ప్రెషర్ కుక్కర్‌ లో వంట చేస్తూ ఉంటాం. ఒక్కోసారి పప్పులు ఉడికించినప్పుడు,అన్నం వండినప్పుడు నీరు అంతా బయటకు వచ్చి పరిస్థితి దారుణంగా మారిపోతుంది. ఈ విధంగా జరగకుండా ఉండాలంటే ఇప్పుడు చెప్పే చిట్కాలను పాటించాలి.

వంట చేసిన తర్వాత ప్రెషర్ కుక్కర్ ను బాగా కడగాలి. స్టీమ్ వాల్వ్‌ను క్రమం తప్పకుండా శుభ్రం చేయాలి. కుక్కర్లో వంట చేసినప్పుడు నాలుగు వంతులలో ఒక వంతు స్థలం ఖాళీగా ఉండేలా చూసుకోవాలి.

కుక్కర్ మూతలోని రబ్బరు వదులుగా ఉన్నప్పుడు కూడా కుక్కర్ నుంచి నీరు బయటకు వస్తుంది. కుక్కర్ రబ్బరును తనిఖీ చేసి రబ్బరు వదులుగా ఉంటే కొత్త రబ్బరు వాడాలి.

కుక్కర్ నుండి నీరు బయటకు రాకుండా ఉండటానికి నూనెను ఉపయోగించవచ్చు.కుక్కర్ మూత చుట్టూ నూనె రాయాలి. ఇది కుక్కర్‌లోని నీటిని బయటకు వెళ్లనివ్వదు.

ఈ విధంగా చేయటం వలన నీరు లీక్ అయ్యే అవకాశం తక్కువగా ఉంటుంది. ప్రెషర్ కుక్కర్ వాషర్ సరిగ్గా అటాచ్ చేయకపోయినా లేదా వదులుగా ఉన్నా… ఉడికించినప్పుడు నీరు లోపలి నుంచి బయటికి వస్తుంది. ఈ జాగ్రత్తలు తీసుకుంటే ప్రెషర్ కుక్కర్లో వంట చేసినప్పుడు నీరు బయటకు రాకుండా ఉంటుంది.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.