రక్తహీనతకు బైబై.. ఒక్క రూపాయి మందులు లేకుండా రక్తాన్ని వేగంగా పెంచే అద్భుతమైన ఆహారాలివే!
Iron Rich Foods : శరీరంలో తగినంత రక్తం లేకపోవడం (రక్తహీనత/ఎనీమియా) వల్ల కొద్దిపాటి పనికే తీవ్రమైన అలసట, నీరసం, తలతిరగడం, శ్వాస సరిగ్గా అందకపోవడం మరియు చర్మం పాలిపోవడం వంటి లక్షణాలు కనిపిస్తాయి.
రక్తంలో హిమోగ్లోబిన్ శాతాన్ని పెంచడానికి చాలామంది ఐరన్ సప్లిమెంట్స్, టానిక్స్ ఆశ్రయిస్తుంటారు. అయితే వీటివల్ల మలబద్ధకం, ఎసిడిటీ వంటి సమస్యలు వచ్చే అవకాశం ఉంది.
ప్రకృతి సిద్ధంగా లభించే పోషకాహారం ద్వారా ఎటువంటి సైడ్ ఎఫెక్ట్స్ లేకుండా సహజంగా శరీరంలో రక్త శాతాన్ని గణనీయంగా పెంచుకోవచ్చు. ఆకుకూరలు, డ్రై ఫ్రూట్స్, గింజలు, దుంపల్లో ఐరన్ పుష్కలంగా లభిస్తుంది.
ఈ పోస్ట్లో హిమోగ్లోబిన్ స్థాయిలను వేగంగా పెంచే అత్యుత్తమ ఐరన్ రిచ్ ఆహారాలు, శరీరం ఐరన్ను వేగంగా శోషించుకోవడానికి పాటించాల్సిన విటమిన్ సి టిప్స్ గురించి వివరంగా తెలుసుకుందాం.
రక్తహీనత సమస్య ఉన్నప్పుడు తీసుకొనే ఆహారం విషయంలో జాగ్రత్తలు తీసుకోవాలి. ముఖ్యంగా ఐరన్ సమృద్దిగా ఉన్న ఆహారాలను తీసుకోవాలి. రక్తహీనత సమస్య తక్కువగా ఉన్నప్పుడు ఆహారంలో మార్పు ద్వారా ఆ సమస్య నుండి బయట పడవచ్చు. సమస్య తీవ్రత ఎక్కువగా ఉంటే మాత్రం డాక్టర్ దగ్గరకు వెళ్లవలసిందే.
ఐరన్ సమృద్దిగా ఉండే పాలకూర, బచ్చలికూర వంటి ఆకుకూరలు డైట్ లో ఉండేలా చూసుకోవాలి. బీట్ రూట్ రక్తం పెంచటానికి చాలా బాగా సహాయపడుతుంది.ఇందులో అధిక మొత్తంలో ఐరన్ ఉండుట వలన శరీరాన్ని డిటాక్సిఫై చేయడమే కాకుండా హిమోగ్లోబిన్ శాతాన్ని కూడా పెంచుతుంది. ప్రతి రోజు ఒక గ్లాస్ బీట్ రూట్ జ్యూస్ తాగాలి.
దానిమ్మ కూడా చాలా అద్భుతంగా పనిచేస్తుంది. దానిమ్మలో కాల్షియం, సోడియం, మెగ్నీషియం, పొటాషియం, ఐరన్, విటమిన్లు వంటి పోషకాలు పుష్కలంగా ఉన్నాయి. ఖర్జూరం, వాల్నట్, బాదం వంటి డ్రై ఫ్రూట్స్ లో ఐరన్ సమృద్దిగా ఉండుట వలన ఎర్ర రక్త కణాలు రక్తంలో వేగంగా పెరుగుతాయి. విటమిన్ సి ఉన్న ఆహారాలను తీసుకుంటే శరీరం ఎక్కువగా ఐరన్ శోషించుకోవటానికి సహాయపడుతుంది.
విటమిన్ సి,ఐరన్ సమృద్దిగా ఉన్న ఉసిరిని కూడా డైట్ లో బాగంగా చేసుకుంటే చాలా మంచి ఫలితం కనపడుతుంది. గుమ్మడి విత్తనాలలో కూడా ఐరన్ సమృద్దిగా ఉంటుంది. మన శరీరానికి అవసరమైన 25 శాతం ఐరన్ ని టమోటా అందిస్తుంది. కాబట్టి ఈ ఆహారాలను తీసుకుంటే ఐరన్ లోపం నుండి బయట పడవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com