5 నుండి 70 ఏళ్ల వరకు ఎవరికైనా సరే.. దగ్గు, జలుబుకు ఇది అద్భుతమైన మందు!
Cold Home Remedies in telugu :వాతావరణంలో చిన్న మార్పు రాగానే మన ఇంట్లో ముందుగా ఇబ్బంది పడేది పిల్లలు మరియు వృద్ధులే. తరచుగా వచ్చే దగ్గు, జలుబు, మరియు గొంతు నొప్పితో వాళ్ళు పడే బాధ చూస్తే ఎవరికైనా ఆందోళనగా ఉంటుంది. ప్రతి చిన్న సమస్యకు యాంటీబయాటిక్స్ (Antibiotics) వాడటం దీర్ఘకాలంలో ఆరోగ్యానికి ఏమాత్రం మంచిది కాదు.
అందుకే, ఎలాంటి సైడ్ ఎఫెక్ట్స్ లేకుండా.. మన వంటగదిలో దొరికే వస్తువులతోనే సహజంగా తయారు చేసుకోగలిగే ఒక అద్భుతమైన చిట్కా గురించి ఈరోజు మనం తెలుసుకుందాం.
5 సంవత్సరాల చిన్న పిల్లల దగ్గరి నుండి 70 సంవత్సరాల వృద్ధుల వరకు ఎవరైనా సరే దీన్ని నిశ్చింతగా వాడొచ్చు. ఇది సమస్యను వెంటనే తగ్గించడమే కాకుండా, శరీరంలో రోగనిరోధక శక్తిని (Immunity) పెంచి దగ్గు, జలుబు మళ్లీ మళ్లీ దరిచేరకుండా ఎలా కాపాడుతుందో ఈ ఆర్టికల్లో వివరంగా చూద్దాం!
విపరీతమైన మంచు కారణంగా చాలా తొందరగా దగ్గు,జలుబు,గొంతు నొప్పి వచ్చేస్తున్నాయి. ఇవి రాగానే చాలా తొందరగా తగ్గే మార్గం చూడాలి. ప్రస్తుతం ఉన్న పరిస్థితిలో చాలా జాగ్రత్తగా ఉండాలి. ప్రతీ చిన్న అనారోగ్యానికీ టాబ్లెట్లు వేసేసుకుంటే… మన బాడీలో వ్యాధి నిరోధక శక్తి తగ్గిపోతుంది.
అందువల్ల శరీరానికి మందులు అలవాటు చేయకుండా కొన్ని ఇంటి చిట్కాల ద్వారా దగ్గు,జలుబును ఎలా తగ్గించుకోవాలో తెలుసుకుందాం. కాస్త శ్రద్ద సమయాన్ని కేటాయిస్తే సరిపోతుంది. పాన్ లో ఒక స్పూన్ లవంగాలు, ఒక స్పూన్ మిరియాలు వేసి వెగించి పొడిగా చేసుకోవాలి. ఈ పొడిని నిల్వ చేసుకోవచ్చు.
రెండు అంగుళాల అల్లం ముక్కను రసం తీసుకోవాలి. ఈ రసంలో లవంగాలు,మిరియాల పొడి పావు స్పూన్ లో సగం వేసి బాగా కలపాలి. దీనిలో అరస్పూన్ తేనె కలిపి ఒక స్పూన్ ఉదయం ఒక స్పూన్ సాయంత్రం తీసుకోవాలి. ఈ విధంగా రెండు రోజులు తీసుకుంటే సరిపోతుంది. చిన్న పిల్లలు అయితే అరస్పూన్ ఇవ్వాలి.
లవంగాలు,మిరియాలలో రోగనిరోధక శక్తిని పెంచే లక్షణాలు చాలా ఎక్కువగా ఉన్నాయి. లవంగాలలో ఉండే యాంటీ మైక్రోబియల్ మరియు యాంటీ ఇన్ఫ్లమేటరీ లక్షణాలు జలుబు,తలనొప్పిని ఎదుర్కోవడంలో చాలా ఎఫెక్టివ్ గా పనిచేస్తుంది. అల్లంలోని ఎథనాలిక్ పదార్ధాలు శరీరంలో మలినాలను తొలగించటానికి సహాయపడతాయి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com