కేవలం 10 నిమిషాల్లో కరకరలాడే స్వీట్ కార్న్ పకోడీ తయారీ విధానం!
Corn Pakoda:ఈవినింగ్ టైమ్లో టీ లేదా కాఫీతో పాటు వేడివేడిగా ఏదైనా కరకరలాడే స్నాక్ తినాలనిపిస్తే ఈ స్వీట్ కార్న్ పకోడీ పర్ఫెక్ట్ ఛాయిస్! చాలా తక్కువ సమయంలో, ఇంట్లో ఉండే పదార్థాలతోనే ఎంతో రుచికరంగా ఈ పకోడీలను తయారు చేసుకోవచ్చు. బయట క్రిస్పీగా, లోపల సాఫ్ట్గా ఉండే ఈ స్వీట్ కార్న్ పకోడీని పిల్లలు పెద్దలు అందరూ ఇష్టపడతారు.
ఈ పోస్ట్లో పర్ఫెక్ట్ కొలతలతో స్వీట్ కార్న్ పకోడీ ఎలా చేయాలనేది స్టెప్ బై స్టెప్ చూపించాము.సాయంత్రం వేళల్లో స్వీట్ కార్న్ తో వేడి వేడిగా పకోడీ చేయండి..ప్రతి రోజు సాయంత్రం అయిందంటే ఎదో ఒక స్నాక్ తయారుచేసుకోవాలి.
ప్రతి రోజు ఒకే రకమైన స్నాక్స్ చేసుకుంటే బోర్ కొడుతోంది. అలాగే కొత్తగా ట్రై చేస్తే బాగుంటుందని అనిపిస్తుంది. అందుకే ఇప్పుడు కేవలం పది నిమిషాల్లో తయారయ్యే కార్న్ పకోడీ తయారి విధానంను తెలుసుకుందాం.
కావలసిన పదార్ధాలు : స్వీట్ కార్న్:1 కప్పు, అల్లం వెల్లుల్లి పేస్టు:1స్పూన్ ,జీలకర్ర:1/2 స్పూన్ ,సెనగపిండి:4 స్పూన్, బియ్యం పిండి:3 స్పూన్, గరం మసాలా:1/2 స్పూన్ ,ఉల్లిపాయలు:1 ముక్క,పచ్చి మిరపకాయలు:రెండు, ఉప్పు:తగినంత, కరివేపాకు:1 రెమ్మ,పసుపు:చిటికెడు,నూనె:కావాల్సినంత(వేయించడానికి)
తయారు చేసే విధానం:
ఒక బౌల్ లో స్వీట్ కార్న్ తో పాటు పైన చెప్పిన పదార్ధాలన్నీ వేసి కొంచెం నీటిని పోసుకొని కలుపుకోవాలి. ఈ మిశ్రమాన్ని కాగిన నూనెలో కొంచెం కొంచెంగా వేస్తూ (పకోడీ మాదిరిగా) గోల్డ్ కలర్ వచ్చే వరకు వేగించాలి. అంతే వేడివేడిగా కార్న్ పకోడీ రెడీ.