పోషకాల గని ‘పాలకూర పెసరట్టు’.. ఈ సూపర్ హెల్తీ బ్రేక్ఫాస్ట్తో రోజును ప్రారంభించండి!
Palak Pesarattu:సాధారణంగా పెసరట్టు ఆరోగ్యానికి ఎంతో మేలు చేస్తుంది. దానికి పాలకూరను కూడా జోడిస్తే ఆ పోషకాలు మరింత రెట్టింపు అవుతాయి. ఐరన్, ప్రోటీన్లు, ఫైబర్ పుష్కలంగా ఉండే ఈ ‘పాలకూర పెసరట్టు’ (Palak Pesarattu) ఉదయం బ్రేక్ఫాస్ట్కి పర్ఫెక్ట్ ఆప్షన్. ఇది రోజంతా మిమ్మల్ని యాక్టివ్గా ఉంచడమే కాకుండా, బరువు తగ్గాలనుకునే వారికి, డయాబెటిస్ ఉన్నవారికి ఒక అద్భుతమైన ఆహారం.
క్రిస్పీగా, రుచిగా ఉండే ఈ పాలకూర పెసరట్టును అల్లం పచ్చడి లేదా ఉప్మాతో కలిపి తింటే ఆ మజాయే వేరు. సాధారణంగా పిల్లలు ఆకుకూరలు తినడానికి పేచీలు పెడుతుంటారు, కానీ ఇలా ఆకుపచ్చగా, కమ్మగా ఉండే పెసరట్టు వేసి పెడితే వాళ్ళు కూడా ఏమీ మిగల్చకుండా ఇష్టంగా తింటారు. మరి ఆరోగ్యానికి ఎంతో మేలు చేసే ఈ సూపర్ హెల్తీ పాలకూర పెసరట్టును సులువుగా ఎలా తయారు చేయాలో ఇప్పుడు చూసేద్దాం!
పాలకూర పెసరట్టు.. మార్నింగ్ బ్రేక్ ఫాస్ట్ అనేది హెల్త్ కి చాలా ఇంపార్టెంట్. ఎంత హెల్తీ బ్రేక్ ఫాస్ట్ తీసుకుంటే అంత మంచిది ఆరోగ్యానికి. ప్రోటీన్స్ పుష్కలంగా అందించే పెసరట్టుకి కాసింత పాలకూర జోడించి చూడండి.పాలకూర పెసరెట్టు ట్రై చేయండి.
కావాల్సిన పదార్ధాలు
పెసలు – 1 కప్పు
బియ్యం – 3 టేబుల్ స్పూన్స్
పాలకూర – 1 కప్పు
అల్లం ముక్కలు – కొద్దిగా
పచ్చిమిర్చి – 2-3
జీలకర్ర – 1 టీ స్పూన్
ఉప్పు – తగినంత
తయారీ విధానం
1.ముందుగా పెసలు,బియ్యాన్ని నాలుగు ,ఐదు గంటల పాటు నానబెట్టుకోవాలి.
2.నానిన పప్పులోకి అల్లం ముక్కలు,పచ్చిమిర్చి,కడిగిన పాలకూర ,జీలకర్ర వేసి గ్రైండ్ చేసుకోవాలి.
3.గ్రైండ్ చేసుకున్న బ్యాటర్ లోకి అవసరం అయితే కొద్దిగా నీళ్లు కలుపుకోవాలి.
4.ఇప్పుడు అట్టుకోసి ప్యాన్ వేడి చేసి దోసను వేసి పెనం పై స్ప్రెడ్ చేసుకోవాలి.
5.అట్టు పై నూనె కాని ,బటర్ కాని వేసి దోరగా కాల్చుకోవాలి.
6.కావాలంటే తరిగిన ఉల్లిపాయలు చల్లుకోని సర్వ్ చేసుకోవడమే.