రోజూ పరగడుపున నెయ్యి, పసుపు కలిపి తీసుకుంటే ఏమవుతుందో తెలుసా?
Ghee and turmeric benefits : పసుపు, నెయ్యి.. ఈ రెండు మన వంటగదిలో ఎప్పుడూ అందుబాటులో ఉండే ఆరోగ్య నిధులు. పసుపులోని ‘కర్కుమిన్’ అనే శక్తివంతమైన యాంటీ ఆక్సిడెంట్, నెయ్యిలోని మంచి కొవ్వులతో (Healthy fats) కలిసినప్పుడు అది ఒక అద్భుతమైన ఆయుర్వేద ఔషధంలా పనిచేస్తుంది.
కీళ్ల నొప్పులు తగ్గించడం నుంచి రోగనిరోధక శక్తిని అమాంతం పెంచడం వరకు ఈ కాంబినేషన్ చేసే మ్యాజిక్ అంతా ఇంతా కాదు. అసలు నెయ్యి, పసుపు కలిపి తీసుకుంటే శరీరంలో ఎలాంటి మార్పులు జరుగుతాయో, దీన్ని ఏ సమయంలో తీసుకోవాలో ఈ ఆర్టికల్లో వివరంగా తెలుసుకుందాం.
పసుపు,నెయ్యి రెండింటిలోను ఎన్నో పోషకాలు ఎన్నో ఆరోగ్య ప్రయోజనాలు ఉన్నాయి. అయితే ఈ రెండింటినీ కలిపి తీసుకుంటే రెట్టింపు ప్రయోజనాలు కలుగుతాయి. ఉదయం పరగడుపున ఒక గ్లాస్ గోరువెచ్చని నీటిలో ఒక స్పూన్ నెయ్యి, అరస్పూన్ పసుపు వేసి బాగా కలిపి తాగాలి. ఈ విధానంను ఎక్కువగా ఆయుర్వేదంలో చెప్పుతారు.
ఈ విధంగా తాగటం వలన శరీరంలో ప్రతి కణానికి పోషణ అందుతుంది. బరువును తగ్గించటంలో కూడా సహాయపడుతుంది. నెయ్యిలోని బ్యూట్రిక్ యాసిడ్ ట్రైగ్లిజరైడ్స్ వంటి కొలెస్ట్రాల్ ని తొలగించటం మరియు బరువు తగ్గటానికి సహాయపడుతుంది. బెల్లీ ఫ్యాట్ని తగ్గించడంలో సహాయ పడే ఎసెన్షియల్ అమైనో యాసిడ్స్ సమృద్దిగా ఉంటాయి.
అలాగే ఒమేగా-3 మరియు ఒమేగా-6 ఫ్యాటీ యాసిడ్స్ ఉండటం వల్ల శరీరంలోని కొవ్వు తగ్గుతుంది. వయస్సు పెరిగే కొద్ది వచ్చే జ్ఞాపకశక్తి సమస్యలను తగ్గిస్తుంది. వృద్ధాప్య ప్రక్రియను మందగించడం, శరీరంలో రోగనిరోధక శక్తిని పెంచడం వంటి అనేక రకాలుగా ప్రయోజనాలను అందిస్తుంది.
కీళ్ల మధ్య వశ్యతను పెంచటమే కాకుండా కీళ్ల మధ్య జిగురు పెరిగేలా చేసి కీళ్ల నొప్పుల నుండి ఉపశమనం కలిగేలా చేస్తుంది. ఇది సహజమైన మాయిశ్చరైజర్గా పనిచేస్తుంది. చర్మం అంతర్గతంగా మెరిసిపోవడానికి సహాయపడుతుంది. చిన్న ప్రేగులలో శోషక శక్తిని పెంపొందించడంతో పాటు, జీర్ణశయాంతర ప్రేగులలోని ఆమ్ల పిహెచ్ని తగ్గించడంలో సహాయపడుతుంది.
ఇది జీర్ణక్రియకు మరియు ఆమ్లతను తగ్గించడంలో సహాయపడుతుంది. శరీరం యొక్క హీలింగ్ ప్రక్రియలో ముఖ్యమైన పాత్ర పోషించే కణ పునరుజ్జీవన ప్రక్రియలను మెరుగుపరుస్తుంది. కాబట్టి కనీసం వారంలో రెండు సార్లు అయినా నెయ్యి,పసుపు కలిపి తీసుకోవటానికి ప్రయత్నం చేయండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com
(turmeric and ghee benefits in telugu, pasupu neyyi benefits telugu, health benefits of ghee and turmeric, ayurvedic health tips in telugu, immunity booster tips telugu, turmeric with ghee on empty stomach)