Keera Lassi:వేసవిలో శరీరంలో వేడి తాపాన్ని తగ్గించే కీరా లస్సీ…
Keera Lassi:వేసవిలో శరీరంలో వేడి తాపాన్ని తగ్గించే కీరా లస్సీ… వేసవికాలంలో శరీరాన్ని చల్లబరిచే పానీయాలను ఎక్కువగా తీసుకోవాలి. కీరా వేసవిలో మన శరీరంలో నీటి శాతాన్ని పెంచుతుంది. ఇక కీరా లస్సి ఎలా తయారుచేయాలో చూద్దాం.
కావలసిన పదార్దాలు
కీర దోసకాయ – 1
తాజా పెరుగు – ఒక కప్పు
అల్లం – చిన్నముక్క
తరిగిన కొత్తిమీర – 2 స్పూన్స్
కరివేపాకు రెబ్బలు – మూడు
ఇంగువ – చిటికెడు
చిన్న పచ్చిమిరపకాయ (కారాన్ని ఇష్టపడేవాళ్లు వేసుకోవచ్చు)
పంచదార – అర టీ స్పూను (తీపి ఇష్టపడేవాళ్లు వాడొచ్చు)
చల్లటి నీళ్లు – రెండు కప్పులు
రుచికి సరిపడా ఉప్పు
తయారీవిధానం
ముందుగా కీర దోసకాయను శుభ్రంగా కడిగి తొక్క తీసి ముక్కలుగా కోసుకోవాలి. అల్లం, పచ్చి మిరపకాయల్ని చిన్న ముక్కలుగా తరిగి పెట్టుకోవాలి. ఇప్పుడు మిక్సీ బ్లెండర్లో కీరా ముక్కలు, అల్లం, పచ్చి మిరపకాయ ముక్కలు, ఉప్పు, పంచదార, ఇంగువ, కరివేపాకు, కొత్తిమీరలు వేసి బాగా కలిసేవరకు తిప్పాలి. తరువాత ఈ మిశ్రమానికి పెరుగు, చల్లటి నీళ్లు కలిపి మరోసారి తిప్పాలి. ఇది వేసవికాలంలో చాలా చల్లగా,హాయిగా ఉంటుంది.
