Vegetarian Foods: మాంసమే తినక్కర్లేదు.. పోషకాల కోసం బెస్ట్ వెజిటేబుల్ ఫుడ్స్ ఇవే!
Vegetarian Foods: మాంసం తినని వారు ఈ ఆహారాలను తింటే మాంసాహారంలో ఉండే పోషకాలు అన్ని దాదాపుగా అందుతాయి. శాకాహారుల కోసం మాంసానికి మంచి ప్రత్యామ్నాయాలుగా కొన్ని ఫుడ్స్ ఉన్నాయి. వాటి గురించి తెలుసుకుందాం.
పప్పు ధానాల్లో పోషకాలు సమృద్దిగా ఉండటమే కాకుండా ప్రోటీన్, ఫైబర్, ఐరన్, జింక్, ఫోలేట్ వంటి ముఖ్యమైన పోషకాలు కూడా ఉంటాయి.
పనసపండులో ఫైబర్ అధికంగా లభిస్తుంది. కేలరీలు తక్కువగా ఉంటాయి. విటమిన్ ఎ, సి, పొటాషియం కూడా తగిన మోతాదులో లభిస్తాయి.
మాంసాహారానికి ప్రత్యామ్నాయంగా పుట్టగొడుగులను చెప్పవచ్చు. వీటిలో కేలరీలు తక్కువగా, యాంటీఆక్సిడెంట్లు ఎక్కువగా, బీ కాంప్లెక్స్ విటమిన్లు, విటమిన్ డి కూడా సమృద్ధిగా లభిస్తుంది.
ఈ మధ్య కాలంలో క్వినోవా వాడకం చాలా పెరిగింది. దీనిలో అమైనో ఆమ్లాలు, ప్రోటీన్, ఫైబర్, మెగ్నీషియం, జింక్ వంటి ఖనిజాలతో పాటు యాంటీ ఆక్సిడెంట్లు సమృద్దిగా ఉంటాయి. మాంసం తిననివారు వీటిని డైట్లో చేర్చుకోవడం చాలా మంచిది.
జనపనార విత్తనాల్లో 9 రకాల ముఖ్యమైన అమైనో ఆమ్లాలు ఉంటాయి. ప్రోటీన్ కంటెంట్ కూడా అధికంగా ఉంటుంది. ఒమేగా-3, ఒమేగా-6 ఫ్యాటీ యాసిడ్స్, విటమిన్ ఇ, మెగ్నీషియం వంటి ఖనిజాలు లభిస్తాయి. జనపనార గింజలను సలాడ్లపై చల్లుకోవచ్చు. స్మూతీస్లో జోడించవచ్చు.
చియా గింజలను నానబెట్టినప్పుడు జెల్ లాంటి స్థిరత్వాన్ని ఏర్పరుస్తాయి. అవి ఫైబర్, ప్రోటీన్, ఒమేగా -3 ఫ్యాటీ యాసిడ్స్తో నిండి ఉంటాయి. చియా గింజలను డైట్లో చేర్చుకుంటే జీర్ణక్రియ మెరుగుపడి సంతృప్తి భావన పెరుగుతుంది. దాంతో బరువు తగ్గుతారు.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
