WhatsApp: వాట్సాప్లో డిలిట్ అయిన మెసేజ్లను ఈ సులువైన ట్రిక్స్తో తిరిగి పొందండి..
WhatsApp: వాట్సాప్లో డిలిట్ అయిన మెసేజ్లను ఈ సులువైన ట్రిక్స్తో తిరిగి పొందండి..ఈ రోజుల్లో వాట్సాప్ మన రోజువారీ జీవితంలో అంతర్భాగంగా మారింది. ఏదైనా మాట్లాడాలన్నా వాట్సాప్లోనే.. చాటింగ్, ఫోటోలు షేర్ చేయడం నుండి ముఖ్యమైన డాక్యుమెంట్లు పంపడం వరకు అన్నీ ఈ యాప్లోనే జరుగుతున్నాయి.
కానీ కొన్నిసార్లు తొందరలోనో, పొరపాటునో ముఖ్యమైన మెసేజ్లు లేదా మొత్తం చాట్లు డిలీట్ అయిపోతాయి. అలాంటి సమయంలో ఇక ఆందోళన చెందాల్సిన అవసరం లేదు. ఎందుకంటే మీ తొలగించిన వాట్సాప్ సందేశాలను సులభంగా తిరిగి పొందే మార్గాలు ఉన్నాయి.
అద్భుతమైన ‘అన్డూ డిలీట్ ఫర్ మీ’ ఫీచర్
వాట్సాప్ ఇటీవల పరిచయం చేసిన అత్యంత ఉపయోగకరమైన ఫీచర్ ‘అన్డూ డిలీట్ ఫర్ మీ’. మీరు పొరపాటున ఒక సందేశాన్ని డిలీట్ చేసినప్పుడు, స్క్రీన్ కింద భాగంలో కొన్ని సెకన్ల పాటు ‘Undo’ ఆప్షన్ కనిపిస్తుంది. ఆ బటన్పై ట్యాప్ చేస్తే మీ డిలీట్ అయిన మెసేజ్ తక్షణమే తిరిగి వచ్చేస్తుంది. తొందరపాటు తప్పిదాలకు లేదా ముఖ్యమైన సందేశాలు పొరపాటున డిలీట్ అయినప్పుడు ఈ ఫీచర్ గొప్ప ఉపశమనం కలిగిస్తుంది.
ఇది కూడా చదవండి:చలికాలంలో ఈ పండు తింటే ఏమి అవుతుందో తెలుసా..
క్లౌడ్ బ్యాకప్ ద్వారా చాట్లు తిరిగి పొందడం
మీరు మొత్తం చాట్ను పొరపాటున డిలీట్ చేసి, Undo సమయం మించిపోయినా చింతించకండి. వాట్సాప్ యొక్క బ్యాకప్ ఫీచర్ మీకు సహాయం చేస్తుంది.
వాట్సాప్ ప్రతిరోజూ మీ చాట్లను Google Drive (Android) లేదా iCloud (iOS)లో ఆటోమేటిక్గా బ్యాకప్ చేస్తుంది.
ఈ దశలు అనుసరించండి:
మీ ఫోన్ నుండి వాట్సాప్ను అన్ఇన్స్టాల్ చేసి, మళ్లీ ఇన్స్టాల్ చేయండి.
మీ మొబైల్ నంబర్తో లాగిన్ అయి, OTP వెరిఫికేషన్ పూర్తి చేయండి.
లాగిన్ అయిన వెంటనే ‘Restore Backup’ ఆప్షన్ వస్తుంది.
దానిపై ట్యాప్ చేయండి. కొన్ని నిమిషాల్లో మీ పాత చాట్లు, మీడియా ఫైల్స్ తిరిగి వచ్చేస్తాయి.
ఇది కూడా చదవండి:ఇంట్లోనే సులభంగా హెర్బల్ షాంపూ తయారు చేసుకోవచ్చు.. ఎలా చేయాలో తెలుసా?
బ్యాకప్ లేకపోయినా సాధ్యమే
మీరు క్లౌడ్ బ్యాకప్ ఆన్ చేయకపోయినా, వాట్సాప్ మీ ఫోన్ ఇంటర్నల్ స్టోరేజ్లో బ్యాకప్ ఫైల్స్ సేవ్ చేస్తుంది.
ఫైల్ మేనేజర్ లేదా ‘Files’ యాప్లోకి వెళ్లండి.
WhatsApp → Databases ఫోల్డర్ను ఓపెన్ చేయండి.
ఇటీవలి బ్యాకప్ ఫైల్ను (ఉదా: msgstore.db.crypt14) ఎంచుకుని, దానిని రీస్టోర్ చేయండి.
ఈ విధానంతో కూడా పాత మెసేజ్లు తిరిగి వస్తాయి.
యూజర్నేమ్తో కాల్స్ & మెసేజ్లు
వాట్సాప్లో త్వరలోనే ఒక కొత్త రివల్యూషనరీ ఫీచర్ రానుంది. దీని ద్వారా ఎవరికైనా కాల్ లేదా మెసేజ్ చేయడానికి ఫోన్ నంబర్ అవసరం ఉండదు. ఇకపై మీ మొబైల్ నంబర్కు బదులుగా యూజర్నేమ్ ఉపయోగించి మెసేజ్ లేదా కాల్ చేయవచ్చు. ఈ ఫీచర్ వచ్చాక మీ నంబర్ అపరిచితులకు తెలియకుండా ప్రైవసీ మరింత బలపడుతుంది.
గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.