Hair Care Tips: మందారతో ఈ నీటిని కలిపి రాస్తే.. జుట్టు రాలడం ఆగి ఒత్తుగా, పొడవుగా పెరుగుతుంది!

జుట్టు రాలే సమస్య (Hair Fall) మొదలవ్వగానే మనలో చాలా మంది భయపడిపోయి మార్కెట్లో దొరికే రకరకాల కెమికల్ షాంపూలు, నూనెలు వాడుతుంటారు.

కానీ, మన ఇంట్లో సులభంగా దొరికే సహజసిద్ధమైన పదార్థాలతోనే ఈ సమస్యకు శాశ్వత చెక్ పెట్టవచ్చు. జుట్టు రాలడాన్ని ఆపి, పొడవుగా పెరిగేలా చేసే ఒక అద్భుతమైన ఇంటి చిట్కా గురించి ఇప్పుడు తెలుసుకుందాం.

కావలసిన పదార్థాలు:
బియ్యం: 3 స్పూన్లు
ఎర్ర మందార పువ్వులు: 4 (పువ్వులు దొరక్కపోతే మొగ్గలు వాడవచ్చు)
మందార ఆకులు: 4

తయారు చేసుకునే విధానం:
గంజి తయారీ: ముందుగా మూడు స్పూన్ల బియ్యాన్ని కడిగి, తగినన్ని నీళ్లు పోసి ఉడికించాలి. ఆ తరువాత ఆ నీటిని (గంజిని) వడకట్టి పక్కన పెట్టుకోవాలి.

మందార మిశ్రమం: 4 మందార పువ్వులను రేకలుగా విడదీయాలి. అలాగే 4 మందార ఆకులను చిన్న ముక్కలుగా కట్ చేసుకోవాలి. ఈ రేకలను, ఆకులను కచ్చాపచ్చాగా దంచుకోవాలి.

కలిపే విధానం: ఒక సీసాలో గోరువెచ్చగా ఉన్న బియ్యం నీటిని తీసుకుని, అందులో దంచి పెట్టుకున్న మందార మిశ్రమాన్ని వేసి బాగా కలపాలి.

ఈ మిశ్రమాన్ని కనీసం రెండు గంటల పాటు అలాగే నాననివ్వాలి.

ఎలా వాడాలి?
రెండు గంటల తర్వాత ఈ నీటిని వడకట్టి, జుట్టు కుదుళ్ల నుండి చివర్ల వరకు బాగా పట్టించాలి.

ఒక గంట పాటు ఆరనిచ్చి, ఆ తర్వాత కేవలం సాధారణ నీటితో (Plain Water) మాత్రమే జుట్టును శుభ్రం చేసుకోవాలి (షాంపూ వాడకూడదు).

మరుసటి రోజు జుట్టుకు నూనె రాసి బాగా మసాజ్ చేసుకోవాలి.

ఆ తర్వాత కుంకుడు కాయలు లేదా మీరు రెగ్యులర్‌గా వాడే హెర్బల్ షాంపూతో తలస్నానం చేయాలి.

ముఖ్యమైన గమనిక:
ఈ చిట్కా కోసం కేవలం ఎర్ర మందార పువ్వులను మాత్రమే ఉపయోగించాలి. మందార ఆకులు, పువ్వులు జుట్టుకు సహజమైన కండిషనర్‌లా పనిచేస్తాయి. ఈ విధంగా వారంలో రెండు సార్లు చేస్తే జుట్టు రాలే సమస్య కొద్ది రోజుల్లోనే పూర్తిగా తగ్గిపోయి, జుట్టు ఆరోగ్యంగా పెరుగుతుంది.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com