కర్ణాటక స్పెషల్ వైట్ చిత్రాన్నం.. నిమిషాల్లో రెడీ అయ్యే ఈ రెసిపీ టేస్ట్ అదుర్స్!

Karnataka Style Chitrannam Recipe: రాయలసీమ చిత్రాన్నం గురించి అందరికి తెల్సిందే. కాని కొబ్బరి,సోయా ఆకులతో చేసే కర్ణాటక స్టైల్ వైట్ చిత్రాన్నం ఎప్పుడైన ట్రై చేసారా.లేదంటే ఇప్పుడు ట్రై చేయండి.

ఉదయాన్నే లంచ్ బాక్స్ కోసం హడావిడిగా ఉన్నారా? లేదా ఇంట్లో మిగిలిన అన్నంతో అప్పటికప్పుడు ఏదైనా కమ్మగా, వెరైటీగా తినాలనిపిస్తోందా? అయితే కర్ణాటక స్పెషల్ “వైట్ చిత్రాన్నం” (White Chitrannam) మీకు పర్ఫెక్ట్ ఛాయిస్!

సాధారణంగా చిత్రాన్నం అనగానే పసుపు రంగులో ఉండే లెమన్ రైస్ లేదా పులిహోర గుర్తుకొస్తుంది. కానీ, పసుపు వాడకుండా.. పచ్చి కొబ్బరి, పచ్చిమిర్చి కాంబినేషన్‌తో చేసే ఈ కర్ణాటక స్టైల్ వైట్ చిత్రాన్నం రుచి చాలా అద్భుతంగా ఉంటుంది. వంట రాని వారు, బ్యాచిలర్స్ కూడా కేవలం 10 నిమిషాల్లో దీన్ని చిటికెలో తయారు చేసుకోవచ్చు.

ఈ బ్లాగ్ పోస్ట్‌లో ఈ కమ్మని వైట్ చిత్రాన్నం ఎలా తయారు చేయాలో, దానికి కావాల్సిన పదార్థాలు ఏమిటో స్టెప్-బై-స్టెప్ వివరంగా చూద్దాం.

కావాల్సిన పదార్ధాలు
అన్నం – 1 కప్పు
నూనె – 4 టేబుల్ స్పూన్స్
ఆవాలు – 1 టీస్పూన్
జీలకర్ర – 1 టీ స్పూన్
పచ్చి శెనగపప్పు – 1 టేబుల్ స్పూన్
మినపప్పు – 1 టేబుల్ స్పూన్
మిరియాలు – ½ టీ స్పూన్
పచ్చిమిర్చి చీలికలు – 3
ఎండుమిర్చి – 2
ఉల్లిపాయ తరుగు – ½ కప్పు
ఉప్పు – తగినంత
జీడిపప్పు – 12-15
పల్లీలు – 3 టేబుల్ స్పూన్స్
పచ్చి కొబ్బరి తురుము – 1 కప్పు
నిమ్మరసం- 1 టేబుల్ స్పూన్
సోయకూర ఆకు – 1/3 కప్పు

తయారి విధానం
1.స్టవ్ పై ప్యాన్ పెట్టుకోని నూనె వేడి చేసి అందులో జీడిపప్పులు,పల్లీలు వేసి ఎర్రగా వేపి పక్కన పెట్టుకోవాలి.
2.అదే నూనెలో ఆవాలు,జీలకర్ర శనగపప్పు,మినపప్పు,మిరియాలు,ఎండుమిర్చి వేసి మీడియం ఫ్లేమ్ పై తాలింపు ఎర్రగా వేగనివ్వాలి.
3.అందులోకి పచ్చిమిర్చి,ఉల్లిపాయలు,ఉప్పు వేసి ఉల్లిపాయలు మెత్తపడే వరకు వేపుకోవాలి.

4.వేగిన ఉల్లిపాయల్లోకి సోయా కూర వేసి రెండు నుంచి మూడు నిమిషాలు వేపుకోవాలి.
5.వేగిన సోయ ఆకులో పసరు వాసన పోయాక..ఉడికించిన అన్నం ,పచ్చికొబ్బరి తురుము వేసి మంట హై ఫ్లేమ్ లోకి మార్చుకోని బాగా టాస్ చేసుకోవాలి.
6.చివరగా వేపి పక్కన పెట్టుకున్న జీడిపప్పు,పల్లీలు,నిమ్మరసం కలుపుకోని స్టవ్ ఆఫ్ చేసుకుంటే వైట్ చిత్రాన్నం తయారైనట్టే.