చిక్కుడుకాయ టమాటో కూర ఒక్కసారి ఇలా వండి చూడండి, లొట్టలేసుకుంటూ తింటారు!

Chikkudukaya Tomato Curry: చాలామందికి చిక్కుడుకాయ అనగానే కాస్త ముఖం చిట్లిస్తారు. కానీ, సరైన పద్ధతిలో వండితే దీనంత రుచికరమైన కూర మరొకటి ఉండదు. ముఖ్యంగా ఎర్రటి టమాటాలు జోడించి, కమ్మటి గ్రేవీతో వండే ఈ ‘చిక్కుడుకాయ టమాటో కూర’ రుచి అదిరిపోతుంది.

అన్నం, రోటీ, చపాతీ.. దేనిలోకైనా ఈ కూర పర్ఫెక్ట్ కాంబినేషన్. మరి, చిక్కుడుకాయ అంటే ఇష్టపడని వారు కూడా లొట్టలేసుకుంటూ తినేలా ఈ కూరని సులభంగా ఎలా తయారు చేయాలో ఈ పోస్ట్‌లో వివరంగా చూద్దాం.. చిక్కుడు కాయను ఉడకపెట్టి టమాటో మిక్స్ చేసి గ్రేవి కర్రీ చేసి,కాసింత నువ్వుల పొడివేసి చేసారంటే రుచి అదిరిపోతుంది.

కావాల్సిన పదార్ధాలు
చిక్కుడు కాయలు – ¼ kg
టమాటోలు -3
ఉల్లిపాయలు – 1
పచ్చిమిర్చి – 2
జీలకర్ర – 1 టీ స్పూన్
కారం – 1 ½ టీ స్పూన్
ఉప్పు – తగినంత
పసుపు – ½ టీ స్పూన్
అల్లం వెల్లుల్లి పేస్ట్ – 1 టీ స్పూన్
ధనియాలపొడి – 1 టీ స్పూన్
నువ్వుల పొడి – 2 టేబుల్ స్పూన్స్

తయారీ విధానం
1.చిక్కుడు కాయలను నారతీసి కట్ చేసుకోని గిన్నెలో కప్పు నీళ్లను వేసి ఉడకపెట్టి వడకట్టి పక్కన పెట్టుకోవాలి.
2.ప్యాన్ ఆయిల్ వేడి చేసి అందులోకి జీలకర్ర,తరిగిన ఉల్లిపాయలు వేసి బాగా వేపుకోవాలి.
3.ఉల్లిపాయలు వేగాక పసుపు,అల్లంవెల్లుల్లి పేస్ట్ వేసి కలుపుకోని ఉడకపెట్టిన చిక్కుడు కూడ యాడ్ చేసుకోని మూతపెట్టి రెండు, మూడు నిమిషాలు ఉడికించాలి.
4.చిక్కుడు కాయ మగ్గుతున్నప్పుడు టమాటో ముక్కలు వేసి మెత్తపడే వరకు ఉడికించాలి.
5.టమాటాలు మగ్గాక కారం,ఉప్పు,ధనియాల పొడి,నువ్వుల పొడి వేసి గ్రేవి కోసం నీళ్లు వేసి కలుపుకోని పది నిమిషాల పాటు లో ఫ్లేమ్ పై ఉడికించుకోవాలి.
6.చివరగా కొత్తిమీర తరుగు చల్లుకోని స్టవ్ ఆఫ్ చేసుకోని సర్వ్ చేసుకోవడమే.