పప్పు నానబెట్టే పనిలేకుండా.. 10 నిమిషాల్లో దూదిలాంటి మెత్తని ఇడ్లీలు ఇలా చేసుకోండి!
Instant Idli:మన ఇళ్లలో ఉదయం బ్రేక్‌ఫాస్ట్ అనగానే అందరికీ ముందుగా గుర్తొచ్చే తేలికైన, ఆరోగ్యకరమైన టిఫిన్ ‘ఇడ్లీ’. అయితే ఇడ్లీలు మెత్తగా రావాలంటే ముందు రోజే మినపప్పు నానబెట్టడం, రుబ్బడం, పిండి పులియబెట్టడం వంటి పెద్ద తతంగం ఉంటుంది.
ఒక్కోసారి మనం పప్పు నానబెట్టడం మర్చిపోయినప్పుడో లేదా అనుకోకుండా ఇంటికి చుట్టాలు వచ్చినప్పుడో అప్పటికప్పుడు టిఫిన్ ఏం చేయాలో తోచదు. అలాంటి సమయంలో పప్పు నానబెట్టే పనిలేకుండా, పిండి రుబ్బే శ్రమ లేకుండా కేవలం 10 నుంచి 15 నిమిషాల్లోనే అప్పటికప్పుడు దూదిలాంటి మెత్తని ఇడ్లీలను తయారు చేసుకోవచ్చు.
సాధారణ ఇడ్లీల కంటే ఎంతో రుచిగా, మల్లెపువ్వుల్లా ఉండే ఈ ‘ఇన్‌స్టంట్ సాఫ్ట్ ఇడ్లీ’ (Instant Soft Idli) ని ఇంట్లో ఉండే పదార్థాలతోనే ఎలా తయారు చేసుకోవాలో ఇప్పుడు వివరంగా తెలుసుకుందాం!
సాధారణంగా ఇడ్లీ చేయాలంటే,ప్రిపరేషన్ ముందు రోజు నుంచి,మొదలు పెట్టాలి. అలా కాకుండా, ఇన్ స్టెంట్ గా, తినాలి అంటే ఇలా చేసేసుకోండి.
కావాల్సిన పదార్ధాలు
రవ్వ – 1 కప్పు
మందపాటి అటుకులు – 1కప్పు
పెరుగు – 1 కప్పు
ఉప్పు – రుచికి సరిపడా
వంట సోడా – 1/2టీ స్పూన్
నీళ్లు – 1/2కప్పు
తయారీ విధానం
1.అటుకులు కడిగి, అరగంట పాటు నానపెట్టుకోవాలి.
2.పెరుగులో సోడా వేసి, పొంగనివ్వాలి.
3. పొంగిన పెరుగులో, రవ్వ వేసి, బాగా బీట్ చేసి, అరగంట పాటు, ఊరనివ్వాలి.
4.నానిన అటుకులలో, కొద్దిగా నీళ్లు చేసి, మెత్తని పెస్ట్ చేసుకుని, రవ్వలో వేసుకోవాలి.
5. అందులోకి ఉప్పు వేసి, బాగా బీట్ చేసుకోవాలి.
6. కలుపుకున్న పిండిని, ఇడ్లీ పాత్రలోకి వేసి, హై ఫ్లేమ్ పై 5 నిముషాలు, లో ఫ్లేమ్ పై 3 నిముషాలు స్టీమ్ చేసుకుని, స్టవ్ ఆఫ్ చేసుకోవాలి.
7. 5 నిముషాలు అలా వదిలేసి, ఇడ్లీలు సెర్వ్ చేసుకోవడమే.