స్వీట్ షాప్ స్టైల్ బీట్రూట్ హల్వా.. పచ్చి వాసన అస్సలు లేకుండా కమ్మగా ఇలా చేయండి!
Beetroot Halwa Recipe: బీట్రూట్లో ఐరన్, ఫైబర్, విటమిన్లు పుష్కలంగా ఉంటాయి. రక్తహీనతను తగ్గించడానికి మరియు శరీరానికి తక్షణ శక్తిని ఇవ్వడానికి ఇది ఎంతో మేలు చేస్తుంది.
అయితే దీని పచ్చి వాసన లేదా రుచి నచ్చక చాలామంది, ముఖ్యంగా పిల్లలు బీట్రూట్ కూరలు తినడానికి ఇష్టపడరు. అలాంటి వారికి మంచి పోషకాలు అందేలా చేసి, ఇష్టంగా తినేలా మార్చడానికి బీట్రూట్ హల్వా ఒక అద్భుతమైన ఎంపిక.
చిక్కటి పాలు, స్వచ్ఛమైన నెయ్యి, డ్రై ఫ్రూట్స్ మరియు యాలకుల పొడి సువాసనతో చేసే ఈ హల్వా నోట్లో వేస్తే వెన్నలా కరిగిపోతుంది. పండుగలకైనా, ఇంట్లో ఏదైనా ప్రత్యేక సందర్భానికైనా చాలా తక్కువ సమయంలో సులభంగా తయారుచేసుకోవచ్చు.
ఈ పోస్ట్లో పచ్చి వాసన రాకుండా పర్ఫెక్ట్ టెక్స్చర్తో బీట్రూట్ హల్వా (Beetroot Halwa Recipe) తయారీకి కావాల్సిన పదార్థాలు మరియు పూర్తి విధానాన్ని వివరంగా చూద్దాం.
క్యారేట్ హల్వా, సర్వ సాధారణంగా, అందరూ చేస్తూనే ఉంటారు. క్యారేట్ ప్లేస్ లో బీట్ రూట్ యాడ్ చేసుకుని,హల్వా చేయండి. కలర్ ఫుల్ గా , సూపర్ టేస్టీగా ఉంటుంది.
కావాల్సిన పదార్ధాలు
బీట్ రూట్ తురుము – 1/2కేజీ
పాలు – 1 లీటర్
నెయ్యి – 75 నుంచి 100 గ్రాములు
జీడిపప్పులు – 20
కిస్ మిస్ లు –కొద్దిగా
పచ్చి కోవా – 50 గ్రాములు
యాలకుల పొడి – 1 టీ స్పూన్
పంచదార – 1/2కప్పు
తయారీ విధానం
1.స్టవ్ పై పాన్ పెట్టుకుని, నెయ్యి వేసి, కరిగిన నెయ్యిలో, జీడిపప్పు, కిస్ మిస్ వేసి వేగనివ్వాలి.
2. వేగిన కిస్ మిస్ లో బీట్ రూట్ తురుము వేసి, పచ్చిదనం పోయే దాకా వేపుకోవాలి.
3. వేగిన బిట్ రూట్ లో , పాలు పోసి, మీడియం ఫ్లేమ్ పై , దగ్గర పడే వరకు కలుపుతూ ఉండాలి.
4. 20 నుంచి 30 నిముషాలకు, హల్వా దగ్గర పడుతుంది.
5. అప్పుడు యాలకుల పొడి, పంచదార వేసి, మరో 5 నిముషాలు ఉడికించాలి.
6. ఇప్పుడు హల్వా దగ్గర పడ్డాక, చివరగా, కోవా, వేసి, కలుపుకుని, స్టవ్ ఆఫ్ చేసుకోవాలి.
7. అంతే, కలర్ ఫుల్ హెల్తీ, బీట్ రూట్ హల్వా రెడీ.