ఎగ్ తో సింపుల్ గా అట్టు వేసుకుందామా
కావలసిన పదార్ధాలు
కోడిగుడ్డు 4
పచ్చి మిరపకాయలు 2 (చిన్న ముక్కలుగా కట్ చేయాలి )
పెద్ద ఉల్లిపాయలు 2 (చిన్న ముక్కలుగా కట్ చేసుకోవాలి )
కారం 1 టీస్పూన్
పసుపు 1/2 టీస్పూన్
ఉప్పు తగినంత
నూనె 4 టేబుల్ స్పూన్
తయారి విధానం
గిన్నెలో ఒక టేబుల్ స్పూన్ నీళ్లు తీసుకొని, ఉప్పు, కారం, పసుపు వేసి కలపాలి. ఆ తర్వాత కోడిగుడ్లు పగలకొట్టి గిన్నెలోవేసి బాగా కలపండి.సన్నగా కోసి పెట్టుకున్న ఉల్లిపాయ ముక్కలు,పచ్చిమిర్చి ముక్కలు వేసి బాగా కలపాలి. దోశల పెనం వేడిచేసి కొద్దిగా నూనె వేసుకోవాలి.దీనికి గిలకొట్టిన కోడిగుడ్డు మిశ్రమాన్ని కలిపి, పెనంని గుండ్రంగా అటుఇటు కదిలించాలి. దీనివల్ల పెనంలో సమానంగా గుడ్డు మిశ్రమం పరుచుకుంటుంది. కోడిగుడ్డు అంచుల మీద నూనెని వేయాలి. అట్టును రెండు వైపులా వేగించాలి. బాగా వేగాక పెనం మీదనుంచి దించి వేడివేడిగా సర్వ్ చేయటమే.