12 గంటలు నానబెట్టి తింటే ఊహించని ప్రయోజనాలు… ముఖ్యంగా ఎదిగే పిల్లలకు
Rajma Health benefits in Telugu : ఈ రోజుల్లో ఎటువంటి సమస్యలు లేకుండా ఆరోగ్యంగా ఉండాలంటే మంచి పోషకాలు ఉన్న ఆహారం తీసుకోవాలి. ముఖ్యంగా పిల్లల విషయంలో ప్రత్యేకమైన శ్రద్ధను తీసుకోవాల్సిన అవసరం ఉంది. బీన్స్ లో ఎన్నో రకాలు ఉన్నాయి. వాటిలో కిడ్నీ బీన్స్ అనేవి ఒకటి. ఇవి చిక్కుడు జాతికి చెందినవి.
వీటిని రాజ్మా అని కూడా పిలుస్తారు. రాజ్మాలో ప్రోటీన్ సమృద్ధిగా ఉంటుంది. అందువల్ల మాంసాహారానికి ప్రత్యామ్నాయంగా చెప్పవచ్చు. మాంసాహారం తినలేని వారికి ఒక మంచి ఎంపిక అని చెప్పవచ్చు. రాజ్మాలో విటమిన్ బి., విటమిన్ కే, విటమిన్ ఈ, ఫైబర్, ప్రోటీన్, ఐరన్, కాల్షియం, మెగ్నీషియం, పొటాషియం, జింక్ వంటివి చాలా సమృద్ధిగా ఉంటాయి
ముఖ్యంగా ఎదిగే పిల్లలకు కచ్చితంగా పెట్టవలసిన ఆహారాలలో కిడ్నీ బీన్స్ ఒకటి అని చెప్పవచ్చు. ఎదిగే పిల్లలకు వారంలో కనీసం రెండుసార్లు అయినా కిడ్నీ బీన్స్ ఆహారంలో ఉండేలా చూసుకోవాలి. ఎందుకంటే ఈ మధ్య కాలంలో పిల్లల్లో ఎక్కువగా ప్రోటీన్ లోపం కనిపిస్తుంది. ఆ ప్రోటీన్ లోపం లేకుండా ఉండటానికి రాజ్మా బాగా సహాయపడుతుంది.
అలసటగా, నీరసంగా ఉండే పిల్లలకు కిడ్నీ బీన్స్ ని ఆహారంలో భాగంగా చేస్తే వారికి మంచి శక్తి లభించి చురుకుగా హుషారుగా ఉంటారు. అంతే కాకుండా కండరాల నిర్మాణం కూడా బాగుంటుంది. పిల్లలలో సాధారణంగా ఎముకల బలహీనత కూడా కనిపిస్తూ ఉంటుంది. రాజ్మాలో కాల్షియం, జింక్ వంటి పాషకాలు సమృద్ధిగా ఉండటం వలన ఎముకలు బలహీనంగా లేకుండా ఆరోగ్యంగా బలంగా ఉంటాయి. .
అంతేకాకుండా ఎదిగే పిల్లల్లో మెదడు షార్ప్ గా పని చేయడానికి సహాయపడుతుంది. అలాగే రక్తహీనత., అధిక బరువు సమస్యలు కూడా ఏమీ లేకుండా చేస్తుంది. కాబట్టి ఎదిగే పిల్లలకు వారంలో రెండుసార్లు రాజ్మా ఆహారంలో భాగంగా చేయాలి. అలాగే అన్ని వయసుల వారు రాజ్మా తింటే శరీరానికి అవసరమైన పోషకాలు అంది ఎటువంటి అనారోగ్య సమస్యలు లేకుండా ఆరోగ్యంగా ఉంటారు.
వీటిని దాదాపుగా 12 గంటల పాటు నానబెట్టి తినవచ్చు… లేదంటే ఉడికించి తినవచ్చు… లేదంటే కూరల్లో వేసుకొని తినవచ్చు. వీటిని ఏ రూపంలో తీసుకున్న అన్నీ ప్రయోజనాలు మన శరీరానికి అందుతాయి. రాజ్మా సంవత్సరం పొడవునా అందుబాటులో ఉంటుంది. కాబట్టి వీటిని తినటానికి ప్రయత్నం చేయండి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.