Pachi Mirchi Pachadi: పచ్చి మిర్చితో ఇలా నిల్వ పచ్చడి చేయండి.. చలికాలంలో సూపర్ గా ఉంటుంది

Pachi Mirchi Pachadi:వంటల్లో పచ్చి మిర్చి ప్రధానమైన పదార్థం. ఇది లేకపోవడంతో ఏ వంటను కూడా పూర్తిగా చేయలేము. పచ్చి మిర్చి తినడం వల్ల ఆరోగ్యానికి చాలా లాభాలు ఉన్నాయి. అలాగే వంటలకు అద్భుతమైన రుచిని కూడా ఇస్తుంది. పచ్చి మిర్చితో అనేక రకాల పచ్చళ్లు తయారు చేయవచ్చు. కానీ పచ్చి మిర్చితో నిల్వ పచ్చడి తయారు చేయడం చాలా మందికి తెలియదు.

ఇది అన్నం మరియు టిఫిన్స్‌కు చాలా రుచికరంగా ఉంటుంది. వర్షాకాలం మరియు చలికాలంలో ఈ పచ్చడిని తినడం వల్ల ఆరోగ్యంతో పాటు రుచి కూడా పెరుగు తుంది. ఇప్పుడు పచ్చి మిర్చి నిల్వ పచ్చడి తయారీ విధానం మరియు అవసరమైన పదార్థాలు ఏమిటో చూద్దాం.

పచ్చి మిర్చి నిల్వ పచ్చడికి కావాల్సిన పదార్థాలు:
పచ్చి మిర్చి, నూనె, వెల్లుల్లి రెబ్బలు, కరివేపాకు, చింత పండు, తాళింపు దినుసులు, ఉప్పు.

పచ్చి మిర్చి నిల్వ పచ్చడి తయారీ విధానం..
మొదట పచ్చి మిర్చిని శుభ్రంగా కడిగి తడి లేకుండా ఆరబెట్టాలి. ఆ తర్వాత వాటిని ముక్కలుగా కట్ చేసి పక్కన ఉంచాలి. తర్వాత ఒక కడాయిలో నూనె వేసి వేడి చేసిన తర్వాత పచ్చి మిర్చి వేసి ఎర్రగా వేగించాలి. ఆపై చింతపండు, వెల్లుల్లి రెబ్బలు, ఉప్పు జోడించి మళ్ళీ బాగా వేగించి స్టౌ ఆఫ్ చేయాలి.

వాటిని బాగా చల్లబడిన తర్వాత మిక్సీ జార్‌లో వేసి కచ్చా పచ్చాగా రుబ్బాలి. ఆ తర్వాత కడాయిలో నూనె వేసి వేడి అయ్యాక తాళింపు దినుసులు మరియు వెల్లుల్లి రెబ్బలు వేసి పచ్చడికి తాళింపు చేయాలి. దీన్ని గాజు సీసాలో భద్రపరచి ఒక వారం పాటు నిల్వ ఉంచవచ్చు. చలికాలంలో వేడి అన్నంలో కొంచెం నెయ్యి జోడించి ఈ పచ్చడితో తినడం చాలా రుచికరంగా ఉంటుంది. కాబట్టి ఈ పచ్చి మిర్చి పచ్చడిని మీరు కూడా తప్పక ప్రయత్నించండి.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ