నల్లబడిన వెండి పట్టీలను 10 నిమిషాల్లో ఇలా మెరిపించండి.
Silver Cleaning:ప్రతిరోజూ వాడుకలో ఉండే వెండి వస్తువులు, ముఖ్యంగా మహిళలు నిత్యం ధరించే పట్టీలు త్వరగా నల్లబడిపోవడం సహజం. అయితే, వాటిని తిరిగి పాలిష్ చేయించడానికి పదే పదే షాప్కి వెళ్లి డబ్బులు ఖర్చు చేయాల్సిన అవసరం లేదు.
మన ఇంట్లో నిత్యం వాడే వస్తువులతోనే కేవలం నిమిషాల్లో వెండి పట్టీలను కొత్తవాటిలా తళతళలాడేలా చేయవచ్చు. ఆ సింపుల్ అండ్ బెస్ట్ చిట్కాలు ఏంటో ఇక్కడ చూద్దాం.
వెండి పట్టీలను మెరిపించే 3 సింపుల్ చిట్కాలు:
1. వేడి నీళ్లు, డిటర్జెంట్ మ్యాజిక్:
ముందుగా ఒక గిన్నెలో రెండు కప్పుల వేడి నీటిని తీసుకుని, అందులో కొద్దిగా మీరు రెగ్యులర్గా వాడే డిటర్జెంట్ పౌడర్ కలపాలి.
నల్లబడిన వెండి పట్టీలను ఆ నీటిలో వేసి కనీసం అరగంట పాటు అలాగే వదిలేయాలి.
ఆ తర్వాత ఒక పాత, మెత్తని బ్రష్ తీసుకుని సున్నితంగా రుద్దాలి. ఇలా చేయడం వల్ల మూలల్లో ఉన్న మురికి కూడా సులభంగా వదిలిపోతుంది.
చివరగా మంచి నీటితో కడిగి, పొడి వస్త్రంతో తడి లేకుండా తుడిస్తే పట్టీలు తళతళ మెరుస్తాయి.
2. ఉప్పుతో అద్భుతమైన రిజల్ట్:
ఉప్పు కూడా వెండి వస్తువులపై ఉన్న నలుపును వదిలించడంలో అద్భుతంగా పనిచేస్తుంది. నల్లగా మారిన పట్టీలను కొద్దిసేపు ఉప్పు కలిపిన నీటిలో నానబెట్టాలి. ఆ తర్వాత బ్రష్తో తేలికగా శుభ్రం చేసి, మంచి నీటితో కడిగేస్తే వాటిపై పేరుకుపోయిన జిడ్డు, నలుపు మొత్తం పోయి తెల్లగా మారతాయి.
3. టూత్ పేస్ట్తో పాలిష్ చేసినట్లుగా..:
టూత్ పేస్ట్లో ఉండే క్యాల్షియం వెండి వస్తువులకు మంచి పాలిష్లా పనిచేస్తుందని మీకు తెలుసా?
కొద్దిగా టూత్ పేస్ట్ తీసుకుని పట్టీల మీద పల్చని పొరలా రాయాలి.
ఆ పేస్ట్ పూర్తిగా ఆరిపోయే వరకు ఆగాలి.
ఆ తర్వాత, ఒక టిష్యూ పేపర్ లేదా మెత్తని వస్త్రంతో శుభ్రంగా తుడిచేయాలి. ఆపై నీటితో కడిగితే పట్టీలు ఇప్పుడే కొన్న కొత్తవాటిలా మెరిసిపోవడం ఖాయం.
చిట్కా: వెండి వస్తువులను ఎప్పుడైనా సరే కడిగిన తర్వాత గాలికి వదిలేయకుండా, వెంటనే పొడి వస్త్రంతో తుడిచి భద్రపరిస్తే ఎక్కువ కాలం నల్లబడకుండా ఉంటాయి.
ఇవి కూడా చదవండి:
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com